سلطات - مقبلات ـ أطباق جانبية

السلام عليكم ورحمة الله تعالى وبركاته

سيكار بالخضر

المقادير :

200g براعم الصويا 

200g جزر مقطع بالطول 

200g كراث مقطع بالطول 

فلفل أحمر مقشر مقطع بالطول

كمية من الشعرية الصينية مرطبة في الماء الغليان 

ورقة البسطيلة 

ضامة الثوم 

كل الخضر مطهية مع ملعقة زيت زيتون وقرصة ملح وفلفل أسود 

طريقة التحضير :

نأخذ ورقة بسطيلة نطويها على 2  نضع كمية من الخضر والشعرية الصينية بالتتابع ونضع فوقهم قليل من ضامة الثوم 

نلف الورقة من الجانبين على الخضر 

تُلف بالطول مثل الرول 

ندهن طرف الورقة بقليل من الماء لكي تلتصق ولا تفك أثناء القلي 

نستمر بنفس الطريقة حتى الإنتهاء من كل الكمية 

نضع الزيت في مقلاة على نار متوسطة ونبدأ في قلي السيكارات 

بعد ما تحمرت نرفعها من الزيت  ونضعها على ورق النشاف لإمتصاص الزيت الزائدة 

تُقدم مرفوقة بالصلصات حسب الرغبة 

شهية طيبة

سلطة مشكله بالفواكه والخضر 

 المقادير :

خص أخضر مقطع طريفات ومغسول

خص أحمر مقطع طريفات ومغسول 

خيار مغسول ومقطع دوائر

طماطم مغسولة ومقطعة طريفات 

برتقالة مقشرة ومقطعة طريفات 

حبة أفوكادو ناضجة مقشرة ومقطعة طريفات 

3 بصلات خضاريات مغسولين ومقطعين رقاق 

ملح + خل أو عصير الحامض 

 طريقة التحضير :

نخلط كل المقادير جيدً ماعدا الملح والخل نضيفهم في الأخير 

 تقدم باااردة 

بألف صحة 

مقبل السبانخ 
 المقادير :

800g سبانخ مغسولين ومقطعين 

2 ملاعق أكل دقيق 

نصف كاس ماء 

نصف كاس صغير زيت زيتون 

ملح + إبزار 

 طريقة التحضير :

نضع الزيت والسبانخ في الطنجرة فوق النار حتى ينزل 

نضيف الملح + إبزار ونحرك ، نخليهم شوية يطيبو 

نخلط الدقيق مع الماء ونضيفهم على السبانخ 

نحرك مزيااان ونخليهم يطيبو مع التحريك مرة مرة 

يقدم مزين بخطوط من زيت الزيتون يا سلام على لذة 

بألف صحة 

سلطة الباربا والبطاطس

 المقادير :

كمية من البطاطس المسلوقة مقشرة ومقطعة مربعات 

نفس الكمية من الباربا مقطعة مربعات 

بصلة متوسطة مشلضة رقيييييقة 

قبطة معدنوس صغيرة مقطعة رقييييقة 

نصف كاس صغير زيت زيتون + 2 ملاعق أكل خل 

ملح + إبزار 

 طريقة التحضير :

نخلط الزيت والخل والملح وإبزار مع البصلة ومعدنوس

نضيف نصف الخليط على البطاطس ونخلط 

نضيف النصف الآخر على الباربا ونخلط مزيااان


تقدم حسب الرغبة 

بألف صحة 

شلاظة بالروز والخضرة 

المقادير :

الروز مسلوق

حبة طماطم بلا زريعة مقطعة مربعات صغيرة

نصف حبة فلفل حلو مقطع مربعات صغيرة

علبة ذرة

علبة طون 

ملعقة صغيرة إبزار

3 ملاعق أكل زيت

الملح حسب الذوق 

طريقة التحضير :

نخلط كلشي مزيان ونخليه على جنب

الخضرة + الكمية = حسب الرغبة 

طماطم

خيار

ذرة

جلبانة 

جزر

باربا 

خص 

الملح والخل ( مصورتهومش )

البيض مسلوق

 طريقة التشكيل :

ندير الروز في شي إناء نضغط عليه مزيان باش ياخذ شكل الإناء ونقلبه في الطبسيل

ناخذ الخضرة ونديرلها الملح والخل ونستفها في جناب الطبسيل بهاد الطريقة

الباربا نديرلها شوية دالبصلة مقطعة رقيقة

ناخذ البيض نقسمه على 4 ونزوق به من الفوق 

نجيب بيضة كاملة نحكها فوق من الطبق ونرشه بشوية دالخل . 

ونقدمها مرفوقة بصلصة المايونيز أو أي صلصة تحبون 

بالصحة والراحة 

كباب البرغل والبيض 

 المقادير :

2 كؤوس برغل 

1 كاس دقيق ( ممكن أكثر حسب الخليط ) 

1 بيضة 

ملح 

ماء دافئ 

2 بيضات 

زيت للقلي 

طريقة التحضير :

ننقع البرغل في الماء الدافئ والملح لمدة 30 دقيقة 

بعد مرور نصف ساعة نصفي البرغل من الماء الزائد ونضيف عليه 

الدقيق ونخلط مزيااان 

نضيف البيضة ونخلط مزيااان

( نذوق الملحة و إلا كان الخليط جاري نضيف الدقيق ) 

نشكل من الخليط كريصات ، نديرهم في الماء الغليان فوق النار لمدة

 دقيقة 

نحيدهم من الماء نديرهم في الشبكة يستقطرو من الماء 

نستمر بنفس الطريقة حتى نكمل الكمية اللي عندي 

نطرب 2 بيضات المتبقيات في المقادير مع شوية الملح 

ندوز فيهم الكريصات 

نقليهم في زيت سخونة 

نضعهم فوق الورق النشاف لإمتصاص الزيت الزائد

نستمر حتى نكمل كل الكمية ونقدمهم حسب الرغب

التقديم حسب الرغبة :

بألف صحة إن شاء الله 

سلطة القمح الغنية سهلة التحضير ورائعة المذاق

المقادير :

قمح مرقد ليلة كاملة في الماء ومسلوق 

فلفلة حمراء مقطعة مربعات صغيرة 

حبة طماطم مقطعة مربعات 

علبة ذرة صغيرة 

بصلة خضارية 

قبطة شبت صغيرة مقطعة رقيقة 

خيارة صغيرة مقطعة مربعات 

ملح + إبزار 

زيت + خل 

 طريقة التحضير :

نخلط كل المقادير مزياااااان ماعدا الخل الزيت نضيفهم في الأخير ونعاود نخلط 

تقدم باردة :

بألف صحة

بطاطا محمرة بالزنجلان لذيذة ومقرمشة

المقادير :

2 حبات بطاطا مغسولة مزيااان ومقطعة على أربعة بالطول 2 ملاعق طعام زيت نباتي . 

2 ملاعق طعام زنجلان 

ملح حسب الذوق 

توابل حسب الرغبة 

 طريقة التحضير :

نخلط مزيااان كل العناصر مع بعضها 

نفرشها في صينية ، ندخلها للفرن مسخن على درجة حرارة 180 حتى طيب وتتحمر 

نقدمها مع المشويات أو الصلصات أو مع السلطات .... إلخ 

بألف صحة إن شاء الله 

سلطة المكور الأحمر والزبيب صحية ولذيذة  

 المقادير :

200g مكور أحمر مقطع رقيق ومغسول طبعا 

150g زبيب أصفر منقع في الماء لمدة نصف ساعة 

150g جرز محكوك 

200g تفاح مقشر ومقطع رقيق 

ملح + شوية زيت + خل 

 طريقة التحضير :

نخلط كل العناصر معاً مزيااان 

 التقديم :

بألف صحة 

سلطة البطاطس والمعدنوس

 المقادير :

5 حبات بطاطس مسلوقة ومقطعة مربعات
حبة طماطم متوسطة مقطعة مربعات
4 بصلات خضاريات مقطعين حلقات
قبطة معدنوس مقطعة طريفات كبار شوية
5 ملاعق زيت زيتون
عصير حامضة
ملح + إبزار 


طريقة التحضير : 

نخلط كل المقادير جيداً ماعدا الزيت وعصير الحامض نضيفهم في الأخير ونعاود نخلط خلطة خفيفة . 

التقديم :

بألف صحة