التورتات والكيك

بسم الله الرحمن الرحيم 

السلام عليكم ورحمة الله تعالى وبركاته

كيك البرتقال والكاكاو 

المقادير : 
3 حبات بيض متوسطة الحجم 
كأس سكر 
كاس زيت نباتي 
كاس عصير برتقال 
ملعقة أكل خل
قليل من الملح
كيس سكر فانيليا = 7g
كيس خميرة كميائية = 15g 
2 ملاعق أكل كاكاو مر 
3 كؤوس دقيق = ممكن أقل أو أكثر حسب نوعية الدقيق 
طريقة التحضير : 
نخلط البيض مع السكر والسكر الفانيليل والخل والملح جيدا حتى نحصل على خليط فاتح اللون 
نضيف الزيت ونستمر في الخلط 
نضيف عصير البرتقال ونخلط الكل جيداَ
نضيف الدقيق ونخلط بلطف ثم نضيف الخميرة ونخلط حتى ينسجم مع الخليط 
نأخذ ربع الخليط نضيف له الكاكاو حتى يصبح لونه بني غامق 
ناخذ طبق الفرن ندهنه بالزيت ونرشه بالدقيق 
نصب نصف كمية الخليط في المول 
نصب فوقه الخليط البني بالتساوي 
نصب باقي الخليط فوق الطبقة البنية 
ندخل الطبق إلى الفرن على درجة حرارة 180 لمدة 22 حتى 25 دقيقة حتى ينضج الكيك ويتحمر قليلا 
نخرجه من الفرن ، يُترك حتى يبرد
يُقلب من الطبق ويزين حسب الرغبة  

يُقدم بألف صحة وعافية




كيك الجزر والحوامض ( البرتقال + الليمون )

المقادير : 
3 حبات بيض 
كاس سكر 
كاس إلا ربع زيت 
كاس نصفه عصير برتقال ونصفه عصير الليمون الحامض 
قشرة حبة ليمون مبشورة + قشرة برتقالة 
قرصة ملح 
كيس سكر فانيليا ( اختياري ) 
كيس خميرة كيميائية فئة 15g
3 حبات جزر مقشرات ومبشورات 
دقيق حسب الحاجة 
طريقة التحضير : 
في إناء نخلط البيض مع السكر والملح ومبشور الحوامض جيدا 
نضيف الزيت ونستمر في التخيط 
نضيف عصير الحوامض 
نضيف الجزر المبشور ونخلط جيدا 
نضيف الدقيق قليلا قليلا مع الخلط حتى نحصل على القوام المطلوب للكيك 
في الأخير نضيف الخميرة ونخلط حتى تنسجم مع الخليط 
نصب الخليط في قالب الكيك المدهون بالزيت والمرشوش بالدقيق أو مفرش بورق الزبدة 
ندخل خليط الكيك للفرن على درجة حرارة 180 لمدة 24  حتى 30 دقيقة حتى ينضج الكيك ويتحمر قليلا 
يُخرج من الفرن يترك حتى يبرد قليلا 
يقلب من القالب ويزين حسب الرغبة ثم يقدم باردا مع أي مشروب 

شهية طيبة 

 مادلين خفيف ولذيذ

 المقادير : 

4 بيضات

علبتين دانون بنكهة الأناناس (يمكن لكم ديرو أي نكهة حبيتو)

علبتين دانون سكر 

علبتين دانون زيت 

15g خميرة الحلوة

7g سكر فاني

الدقيق حسب الحاجة 

الطريقة :

نخلط البيض مع سكر فاني جيدا ثم نضيف السكر ونخلك ثم الزيت ثم دانون ثم الخمرة 

وأخيرا الدقيق ، نضع أوراق المادلين في القوالب الخاصة بهم ونضع فيهم الخليط إلى 

النصف ، وندخله إلى الفرن حتى ينضج ، ويزين حسب الرغبة ،

( يمكن وضع الخليط في قوالب السيليكون )

إليكم الصور 

بالصحة والراحة 

بسبوسة أو الشامية 

المقادير : 
الكاس المستعمل = 200ml
4 بيضات 
كأس سميدة متوسطة 
كأس لوز مطحون بقشرته 
كأس زيت نباتية 
نصف كأس سكر 
15g خميرة كيميائية = بيكن بودر 
كيس سكر فانيليا =7g
ملعقة أكل قرفة 
حبات اللوز للتزيين
400g عسل 
4 ملاعق أكل ماء الزهر 

طريقة التحضير : 
في إناء نخلط كل من السكر والبيض والفانيليا جيداً حتى يصبح الخليط خفيفا وفاتح اللون 
نضيف الزيت ونستمر في الخفق ، نضيف السميدة واللوز والقرفة ونخلط حتى تنسجم كل العناصر مع بعضها وفي الأخير نضيف الخميرة ونخلط جيداً . 
نصب الخليط في قالب الفرن مزيت ومرشوش بالسميدة أو مفروش بورق الزبدة
تزين بحبات اللوز من فوق حسب الرغبة  
تدخل للفرن مسخن من قبل على درجة حرارة 180 حتى تنضج ويتحمر وجهها 
فور خروجها من الفرن تُسقى جيداً بالعسل الساخن والمخلوط مع ماء الزهر 
تُرجع للفرن وهو مايزال ساخناً ( غير مشعول ) ليلة كاملة أو مدة ثمان ساعات حتى تشرب العسل جيداً وتبرد 

تقطع وتقدم بألف صحة 

 كيكة بالبرتقال والكوك

 المقادير :

4 بيضات

2 حبات برتقال متوسطين ومسلوقين في الماء
كأس سكر = 200g
كأس زيت = 250ml
كأس كوك = 100g
كأس سميدة رقيقة = 170g
كأس دقيق = 100g
كيس خميرة الحلوة = 15g 

 للتزيين :

200ml عصير برتقال
4 ملاعق أكل سكر


الطريقة :

نخلط البيض مع السكر في الخلاط الكهربائي جيداً ثم نضيف الزيت ونخلط ثم نضيف
البرتقال المسلوق بعد تقطيعه ، ونخلط جيداً حتى يُطحن البرتقال وتندمج كل العناصر مع
بعض ، نفرغ الخليط في إناء ثم نضيف إليه المقادير الجافة بالتدريج , الكوك ثم السميدة
ثم الدقيق وأخيرا الخميرة ، نفرغ الخليط في المول وندخله للفرن على درجة حرارة 180
حتى تنضج ، تترك لتبرد قليلا ثم تُزال الكيكة من المول وتسقى جيدًا بنصف بالسيروا الساخن
المسبق تحضيره ، تُترك الكيكة 10 دقائق حتى تشرب السيروا ، تسقى مرة ثانية بالسيروا
المتبقي وتترك مرة ثانية حتى تشرب السيروا جيدً ، وتزين حسب الرغبة ،
أنا زينتها بخطوط من الشوكلاطة المذابة ،
طريقة تحضير السيروا :
نضع عصير البرتقال والسكر في كسرونة فوق النار حتى يثقل السيروا قليلا ، ثم يصفى وتسقى به الكيكة .

 الصور توضح الطريقة

بالصحة والراحة

كيكة بحليب الصويا والكاكاو 
المقادير :

4 بيضات 

200g سكر سنيدة 

250ml زيت

250ml حليب الصويا بنكهة الفاني 

15g خميرة الحلوى

7g سكر الفاني

3 ملاعق أكل كاكاو 

دقيق حسب الخليط - الكمية = حسب نوعية الدقيق 


الطريقة :  

نخلط البيض مع السكر وسكر الفاني مزيان حتى يخفاف الخليط ويولي لونه مفتوح 

نضيف الزيت ونستمر في الخلط 

نضيف حليب الصويا ونخلط كلشي مزيان

نضيف الدقيق شوية بشوية وانا كنخلط حت نحصل على الكثاقبة المطلوبة

نضيف الخميرة ونخلط مزيان حتى تندمج مع الخليط

نصب ثلثين الخليط في مول مدهون بالزين ومرشوش بالدقيق 

نضيف الكاكاو للثلث للي بقى من الخليط ونخلط مزيان 

نصب الخليط فوق الخليط الأول ، ندير تموجات خفيفة بواسطة عود الشوي بلا 

مانوصل لقاع المول

ندخل الكيكة للفرن مسخن على درجة حرارة 180 حتى طيب 

مللي طيب نخرجها من الفرن ، نخليها حتى تبرد شوية عاد نقلبها فوق الشبكة نغطيها

 بالزيف نقي ونخليها تبرد . 

أنا كبيت عليها الشكلاط ذايب خليته حتى شد شوية , وزينها بالشكلاط شعرية من 

الجناب 

ندخلها للثلاجة حتى تبرد وشد فوقها الشكلاط ، ونقدمها بالصحة والراحة 

كروسطاطا بكريمة البرتقال

المقادير والطريقة بالصور :

أولا طريقة تحضير كريمة البرتقال :

مقادير وطريقة تحضير عجينة الصابلي :

التقديم :

بألف صحة وعافية .

كيكة بالحليب والكاكاو

 المقادير :

4 بيضات

زلافة سكر

زلافة زيت

زلافة حليب

15g خميرة الحلوة

كيس سكر فاني

30g كاكاو

الدقيق حسب الخليط


 الطريقة :

نخلط البيض والسكر والسكر فاني مزيان حتي يولي لون الخليط فاتح

نضيف الزيت ونخلط مزيان بالطراب اليدوي أو الكهربائي

نضيف الحليب ونخلط كلشي مزيان

نضيف الدقيق قليلا قليلا حتى نحصل على القوام المرغوب فيه

نضيف الخميرة ونخلط الكل

ناخذ شوية من الخليط الأبيض ونخليه على جنب ونضيف الكاكاو

 للخليط ونخلط مزيان

نضع الخليط الأسود في المول وندير فوق منه العجينة البيضاء على 

شكل خطوط دائرية

ونزينها بالموس بهاد الطريقة

ندخلها للفرن دائماً على درجة حرارة 180 حتى تنضج

ملي طيب نخرجها من الفرن ونخليها حتى تبرد مزيان

ندهنها بشوية النباج أو بالمرىى مع شوية دالماء

ونقدمها

بالصحة

مادلين بالزبيب والفواكه معسلة 

 المقادير : 

3 بيضات

كأس سكر

كأس زيت
كأس عصير فواكه أو عصير برتقال

100g زبيب مقطع

100g فواكه معسلة

15g خميرة الحلوة

كيس سكر فاني

دقيق حسب الخليط


الطريقة :

أولاً نخلط الزبيب والفواكه معسلة مع شوية دقيق ونخليهم على جنب 

نخلط البيض والسكر والسكر فاني مزيان 

نضيف الزيت ونخلط مزيان

نضيف العصير ونخلط مزيان

نضيف الدقيق شوية بشوية حتى نحصل على خليط مثل خليط الكيك 

نضيف الخميرة ونخلط 

وفي الأخير نضيف الزبيب والفواكه معسلة ونخلط 

نذير الكويغطات في قالب المادلين ونكب فيهم الخليط للنصف 

ندخلهم للفرن على درجة حرارة 180 حتى يطيبو ونخرجهم نخليهم يبردو 

ونقدمهم بالصحة والراحة 





حلوة سميدة رقيقة محشية بكاوكاو

 المقادير:  

2,5 كأس سميدة رقيقة 

1,5 كأس دقيق أبيض 

كأس سكر 

كأس زيت 

4 ملاعق أكل ماء الزهر 

15g خميرة الحلوة 

ملعقة صغيرة خميرة خبز 

ماء عادي لجمع العجينة


مقادير الحشوة :

كأس كاوكاو محمر ومطحون

نصف كأس سميدة رقيقة

ربع كأس كوك 

4 ملاعق سكر سنيدة 

ملعقة أكل قرفة مطحونة


  الطريقة : 

أولاً نخلط مقادير الحشوة مزيان ونخليهم على جنب

نخلط جميع النواشف مع بعض مزيان

نضيف الزيت ونفرك الخليط مزيان

نضيف ماء الزهر ونخلط الكل مزيان

نضيف الماء شوية بشوية حتى تجمع لعجينة

ملي نجمع العجينة نقسمها على زوج

نبسط القسم الأول من لعجينة في المول لي غيدخل للفرن

نوزع مقادير الحشوة كلها بشكل متساوي فوق العجينة

نبسط القسم الثاني من العجينة فوق ورق الزبدة باش يسهل علي نقلبها فوق الحشوة

نقلب العجينة فوق الحشوة ونبسطها مزيان ، ندير فوقها شوية كاوكاو محمر ومهرمش ( إختياري ) 

ندخلها للفرن على درجة حرارة 180 حتى طيب

في الوقت لي تكون فيه الحلوة كطيب ، نمشي نوجد سيرو


مقادير السيرو :

كأس ماء 

كأس سكر 

عصير نصف حامضة


   الطريقة :

نخلط كلشي في كسرونة فوق نار هادئة مع التحريك مرة مرة

ها هو السيرو واجد وباقي سخون

ها هي الحلوة حتى هي طابت وخرجت من الفرن

نقطعها مربعات أو معينات حسب الرغبة

نسقيها بالسيرو مزيان ونخليها حتى تبرد ونقدمها مع القهوة ولا أتاي ولا العصير 

كتجي لذيذة بزاف بزاف

بالصحة والراحة

ملاحظة = ممكن إستبدال كاوكاو باللوز 














دونات الآلة 

 المقادير:  

ml الكأس المستعمل =  225

4 بيضات

كأس سكر

كأس حليب

كأس إلاَّ ربع زيت

كيس سكر فاني 

كيس خميرة الحلوى = 15g

الدقيق حسب الخليط = ( الكمية حسب النوعية )

للتزيين = شوكولاتة بيضاء مذابة + شوكولاتة سوداء مذابة .

نخلط البيض و السكر والسكر فاني مزيان حتى يخفاف الخليط ويتغير لونه

نضيف الزيت ونخلط مزيان

نضيف الحليب ونخلط مزيان

نضيف الدقيق شوية بشوية حتى نحصل على خليط مثل خليط الكيك

نضيف الخميرة ونخلط كل شي مزيان حتى تندمج الخميرة مع الخليط

ندير الآلة تسخن

ملي تسخن الآلة مزيان ندهنها بالزيت

نكب شوية من الخليط في الآلة ونسد عليها حتى يطيب .

نستمر بنفس الطريقة حتى نكمل كل العجينة

نزينهم بالشكلاط حسب الرغبة

التقديم :

بالصحة والراحة

كيكة الكوك والليمون = الحامض 

 المقادير :  

كأس وربع كوك

كأس وربع سكر

كأس زيت

4 بيضات

قشرة حامضة محكوكة 

عصير حامضة

15g خميرة الحلوة

الدقيق حسب الخليط = كأس تقريبا

  الطريقة :  

نخلط البيض والسكر و قشرة الحامض مزيان ، حتى يولي لخلط خفيف ولونه فاتح

نضيف الزيت وعصير الحامض ونخلط الكل مزيان

نضيف الكوك ونخلط

نضيف الدقيق شوية بشوية حتى نحصل على خليط كيك ، ما خفيف ما ثقيل

نضيف الخميرة ونخلط كلشي مزيان

نصب الخليط في المول وندخله للفرن مسخن على درجة حرارة 180 حتى طيب الكيكة

ملي طيب نخليها حتى تبرد ونقلبها من المول

ندهنها بمربى المشمش مزيان

نزينها بخطوط من الكوك

التقديم :

بالصحة والراحة على قلوبكم 

ملاحظة = التزيين حسب الرغبة

كيكة بالقهوة والكاكاو 

المقادير : 

4 بيضات

زلافة وربع سكر

زلافة زيت

زلافة قهوة مقطرة

2 ملاعق كبيرة كاكاو

20g خميرة حلوة = كيس 15g ونصف = 3 أكياس 7g

الدقيق حسب الخليط (الكمية حسب النوعية )

 الطريقة :

نخلط البيض والسكر جيدا

ثم نضيف الزيت ونخلط الكل

ثم نضيف القهوة ونخلط

ثم نضيف الكاكاو

ثم الدقيق

وأخيراً الخميرة

نضع الخليط في المول مدهون بالزيت ومرشوش بالدقيق

وندخله للفرن على درجة حرارة 180 حتى تنضج

عندما تبرد ندهنها بمربى المشمش ونحك عليها شكلاط أسود

التقديم :

وتقدم بألف صحة وعافية 

كيكة فنة وطرية ولذيذة  

 المقادير :

6 بيضات

1 دانون بنكهة الفاني 

1 دانون بنكهة الكوك

1,5 كأس سكر

1 كأس زيت

1 كأس سميدة رقيقة

1 كيس فاني

1 كيس خميرة الحلوة

الدقيق حسب النوعية

قبصة ملح

مقادير التزيين : 

5 ملاعق مربى المشمش
5 ملاعق ماء
2 ملعقة سكر

الطريقة :
نخلط البيض مع الملح والسكر الفاني ثم نضيف السكر ونخلط جيدًا ثم نضيف الزيت ثم
دانون ثم السميدة ثم الخميرة ثم الدقيق ، يوضع الخليط في المول ويدخل للفرن على درجة حرارة 180 حتى تنضج ،
نخلط مقادير التزيين في كسرونة فوق النار حتى يثقل الخليط قليلاً .
وبعد خروج الكيكة من الفرن تترك لتبرد قليلاً ثم تزال من المول وتسقى بالسيرو الساخن
وتزين بالكوك أو .......حسب الرغبة .
أترككم مع الصور 

بالصحة والراحة




الوافل 
 المقادير :

3 بيضات
علبة دانون بنكهة الفاني
نفس العلبة سكر
نفس العلبة زيت
1 كيس خميرة الحلوى
1 كيس سكر فاني
الدقيق حسب الحاجة

  الطريقة :
نخلط البيض والسكر والسكرالفاني جيداً ، ثم نضيف الزيت ونخلط ثم نضيف دانون
ثم الخميرة نخلط الكل جيداً ، ثم نضيف الدقيق الكافي ( الخليط يكون مثل خليط الكيك )
نسخن آلة الوافل وندهنها بالزيت جيداً ونضع كمية قليلة من الخليط في وسط الآلة ،
نغلق الآلة حتى ينضج الوافل ، يزال الوافل من اللآلة ، تدهن الآلة مرة أخرى بالزيت
ونكرر نفس العملية حتى ننتهي من كل الخليط .
إليم الصور

هاهو الوافل جاهز
ممكن تزيينة بالسكر كلاصي أو بالشكلاط أو بالعسل أو بالقشدة الطرية
أو .... أنا وضعت النصف في السكر كلاصي والنصف الآخر تركته هكذا

بالصحة والراحة .

كيكة 6 كؤوس 

 المقادير والطريقة بالصور :

التقديم : 

كيكة التفاح

 المقادير :

5 بيضات

250ml زيت

250ml عصير التفاح 

200g سكر 

تفاحة مقشرة ومقطعة 

كيس سكر فاني 

كيس خميرة الحلوة  

الدقيق حسب الكمية 

الطريقة :

نضع في الخلاط الكهربائي البيض والسكر والسكر 

الفاني ونخلط الكل جيداً ، ثم نضيف 

الزيت ونخلط ثم التفاح وعصير التفاح ونخلط جيدا حتى 

يطحن التفاح 

نفرغ الخليط في إناء ونضيف له الخميرة والدقيق 

نفرغ الخليط في الصينية ويدخل للفرن

على درجة حرارة 180 حتى تنضج الكيكة . تزين 

حسب الرغبة  

أنا زينتها بمربى المشمش والكوك 

بالصحة والراحة

كيكة بالرايبي جميلة 

المقادير : 

4 يبضات 

حك رايبي جميلة 

نفس الحك سكر 

نفس الحك زيت 

15غ خميرة الحلوة

1 كيس سكر اني 

الدقيق الكافي حسب النوعية

 الطريقة :

نخلط اليبض مع السكر والسكر فاني جيدا

نضيف الزيت ونخلط الكل جيدا 

نضيف الرايبي ونخلط الكل

ثم نضيف الدقيق قليلا قليلا (عينك ميزانك )

وأخيرا نضيف الخميرة ونخط الكل حتى تندمج العناصر جيدا

ندهن المول بالزيت ونرشه بالدقيق

نضع فيه خليط الكيك وندخله إلى الفرن على درجة حرارة 180 حتى تنضج 

عند خروجها من الفرن نتركها حتى تبرد قليلا

ثم نقلبها فوق شبكة

ندهنها بمربى الفراولة ( أو أي نوع تحبون )

ثم نرشها بحلوى الشعرية ( أو أي شيء آخر )

ثم نقدمها حسب الرغبة 

بالصحة والراحة 

مادلين معمر بمربى الفراولة 

 المقادير :

هاد المقادير كيخرجو 30 مادلينة

4 بيضات 

كأس زيت = 220ml 

كأس سكر = 200g 

كيس سكر فاني = 7g 

كيس خميرة الحلوة = 15g 

1 دانون بنكهة الفاني 

1 دانون بنكهة الفراولة 

دقيق حسب الخليط = الكمية حسب النوعية 

مربى الفراولة 

 الطريقة :

نخلط السكر والبيض وسكر فاني مزيان حتى يخفاف الخليط ويولي لونه فاتح 

نضيف الزيت ونخلط مزيان 

نضيف دانون ونخلط الكل مزيان حتى يندمج دانون مع الخليط 

نضيف دقيق شوية بشوية حتى نحصل على الكثافة المطلوبة 

نضيف الخميرة ونخلط مزيان

ندير أوراق المادلين في القالب

نصب الخليط في الأوراق للنصف 

ندير نصف ملعقة صغيرة من مربى الفراولة فوق الخليط بلا ما نضغط عليه 

ندخل المادلين في الفرن مسخن على درجة حرارة 180 حتى يطيب 

ملي يطيب المادلين نخرجه من الفران ونخليه حتى يبرد ونقدمه

هاد المادلين معمر بمربى المشمش ، نفس المقادير غير بدلت دانون لي بنكهة 

الفراولة بدانون بنكهة المشمش ومربى الفراولة بمربى المشمش 


بالصحة والراحة 

كيكة باللوز والزبيب 

 المقادير :





5 بيضات متوسطة الحجم 

250g سكر 

15g خميرة الحلوى 

280g دقيق = يمكن أكثر أو أقل ، حسب النوعية ، أنا 

كنستعمل دقيق ديال ليدل بالنسبة للبنات للي في 

أوروبا
275ml زيت = كاس كبير 

قبصة ملح ، أنا اخلطها مع الدقيق 

ملعقة كبيرة مربى المشمش أو البرتقال 

قشرة برتقالة محكوكة 

حفنة لوز مطحون بقشرته 

حفنة زبيب أصفر مقطع صغير

للتزيين = مربى + لوز 

: الطريقة 

نخلط البيض والسكر وقشرة البرتقال مزيااااان حتى يولي 

لونهم فاتح ويتضاعف حجمهم




نضيف الزيت ونستمر في الخلط




نضيف المربى ونخلط مزياااان حتى ينسجم مع الخليط




نضيف الدقيق مع الملحة ونخلط الكل




نضيف الخميرة ونخلط مزياااان



نضيف اللوز المطحون ونخلط مزياااان



نضيف الزبيب المقطع ونخلط مزياااان



نصب الخليط في المول يكون مدهون بالزيت ومرشوش 

بالدقيق




ندخل المول لوسط للفرن يكون مسخن على درجة

 حرارة 180

حتى طيب الكيكة لمدة 35 حتى 40 دقيقة 

مللي طيب الكيكة نخليها حتى تبرد شوية ، نقلبها من 

المول فوق الشبكة ونغطيها بشي فوطة ديال المطبخ

 تكون نقية ونخليها حتى تبرد مزيااااان 

ندهنها بالمربى ونرشها باللوز








وبألف صحة على قلوبكم

.... درتي الكيك وما صدقش  

 المقادير والطريقة :

كيك مفرتت = أي نوع كان + كأس كوكاو محمر ومهرمش + كأس كوك  

نخلطهم مزيان نضيف عليهم ربع كأس ماء الزهر نخلط كلشي مزياااان ونجمع 

الخليط بالعسل ، نعمل من العجينة كويرات حسب الحجم المرغوب ، نمررهم في الكوك، 
وهاهي الحلوة جاهزة وراااااائعة  

بالصحة والراحة 

بسبوسة تركية رااااائعة  


  المقادير :

3 بيضات 

كأس سكر 

كأس حليب 

كأس زيت 

كأس بذور الخشخاش

كأس سميدة رقيقة 

كأس ونص دقيق

15g خميرة الحلوى

7g سكر فاني 

ملاحظة = الكاس اللي عبرت به = 175ml

 الطريقة :

نخلط البيض والسكر والسكر الفاني مزيااان 

نضيف الزيت ونخلط

نضيف الحليب ونستمر في الخلط 

نضيف السميدة ونخلط مزياااان 

نضيف بذور الخشخاش ونخلط الكل مزيااان 

نضيف الدقيق ونخلط 

وأخيراً نضيف الخميرة ونخلط مزياااان 

نصب الخليط في المول المدهون بالزيت والمرشوش 

بالدقيق 

ندخله للفرن على درجة حرارة 170 حتى طيب  

مقادير السيرو :

450g عسل 

4 ملاعق أكل ماء الزهر 

الطريقة :

نضع العسل في الكسرولة 

نضيف عليها ماء الزهر 

نضعها على النار حتى يطلق العسل ويخلط مزيااان 

مع ماء الزهر 

بعد ماطابت البسبوسة وخرجتها من الفرن 

وهي سخونة نسقيها بالسيرو يكون سخون  

ونخليها حتى تبرد وتشرب السيرو مزياااان

نزينها بأي شي متوفر ، هنا زينتها بالكوك محمر 

قدمتها مزينة بخطوط من العسل 

بألف صحة على قلوبكم 

كيكة بالكرعة الحمراء والكاكاو

 المقادير :

4 بيضات

كأس سكر 

كأس زيت 

قشور حامضة محكوكة وعصيرها 

كأس ونص كرعة حمراء محكوكة 

1 كيس سكر فاني 

قبصة ملح 

كيس خميرة الحلوى = 15g

2كأس دقيق 

2 ملعقة أكل كاكاو 

 الطريقة :

نخلط في الخلاط الكهربائي كل من السكر والبيض والسكر الفاني والملح جييييييداً

نضيف الزيت والكرعة وعصير الحامض وقشورها ونخلط الكل 

في الأخير نضيف الدقيق والخميرة ونخلط

ناخذ كأس من العجينة نضيف له 2 ملعقة أكل كاكاو

نضع العجينة البيضاء في المول مدهون بالزيت ومرشوش بالدقيق  

نصب فوقها العجينة بالكاكاو بشكل عشوائي ، نعمل تموجات بلطف بواسطة ملعقة 

صغيرة أو بالسكين دون الوصول إلى قاع المول

  

ندخله للفرن على درجة حرارة 180 حتى تنضج 

بالصحة والراحة  

كيك الشكلاط والبرتقال

المقادير :

الكاس المستعمل = 175ml

3 بيضات

كاس زيت

كاس سكر 

كاس عصير برتقال طري 

قشرة برتقالة كبيرة محكوكة 

كيس سكر فاني 

كيس خميرة الحلوة = 15g 

ملعقة أكل خل ( مصورتهاش ) 

100g شكلاط أسود مر محكوك 

ملعقة أكل كاكاو مر 

الدقيق حسب النوعية 

 طريقة التحضير :

نخلط البيض مع السكر والفاني والخل مزياااان حتى يخفاف 

الخليط ويتضاعف حجمه 

نضيف الزيت ونستمر في الخلط

نضيف عصير البرتقال وقشرته ونخلط 

نضيف الكاكاو والشكلاط المحكوك

نضيف الدقيق شوية بشوية وأنا كنخلط

نضيف الخميرة ونخلط الكل مزياااان

نصب الخليط في المول مدهون بالزيت ومرشوش بالدقيق

وندخله للفرن مسخن على درجة حرارة 180 حتى طيب

مللي طيب نخليها حتى تبرد شوية عاد نقلبها من المول

ونزينها حسب الرغبة

أنازينتها بصوص الشكلاط 

التقديم :

هذه بنفس المقادير وطريقة التحضير مع إختلاف بسيط في التزيين 

بألف صحة

 مادلينات بالكاكاو

 المقادير :

الكاس المستعمل = 175ml

كاس سكر 

كاس إلا ربع زيت 

3 بيضات 

ملعقة أكل خل 

1 دانون بنكهة الموز ( ضروري بنكهة الموز ) 

1 كي سكر فاني 

1 كيس خميرة الحلوى فئة 15g

3 ملاعق أكل كاكاو مر 

قبصة ملح 

دقيق حسب الخليط

 طريقية :

نخلط البيض مع السكر والسكر الفاني وقبصة ملح مزيااان 

نضيف الزيت ونخلط 

نضيف الخل ونخلط 

نضيف دانون ونخلط 

نضيف الكاكاو ونخلط 

نضيف الدقيق شوية بشوية وأنا كنخلط

ونضيف الخميرة 

ندهن قوالب السيلكون بالزيت

نصب فيهم الخليط لأكثر شوية من النصف 

ندخلهم للفرن مسخن على 180 درجة 

لمدة 15 دقيقة 

: للتزيين 

شوكولاته سوداء ذائبة مع ملعقة أكل زيت 

حلوى العقيق الفضية 

بعد ما برد المادلين ، نزوله من القوالب 

ناخذ حقنة نعمرها بالشكلاط 

نزينه بهاد الطريقة 

مللي نكمل التزيين بالشكلاط ، نخلي الشكلاط ينشف شوية 

ونزينهم بالعقيق الفضي 

: التقديم 

بألف صحة إن شاء الله 

كيك الزنجبيل والقرفة 

المقادير : 

4 بيضات

كاس سكر بني 

2 كؤوس دقيق = ( ممكن أكثر أو أقل حسب نوعية الدقيق )

كاس إلا ربع ماء دافئ 

ملعقة صغيرة زنجبيل مطحون 

ملعقة صغيرة قرفة مطحونة 

قشرة برتقالة محكوكة 

كيس سكر فاني 

كيس خميرة الحلوى = 15g

 طريقة التحضير :  

نخلط البيض مع السكر والسكر الفاني جيداً ... حتى يخفاف الخليط 

نضيف الماء الدافئ ونخلط مزيان ...

نضيف الدقيق شوية بشوية وأنا كنخلط

نضيف الزنجبيل والقرفة وقشرة برتقالة ونخلط الكل مزيااااان

وأخيراً نضيف الخميرة ونخلط حتى تندمج مع الخليط 

نصب الخليط في المول يكون مدهون 

ندخله للفرن مسخن على درجة حرارة 170 حتي يطيب 

بعد ما يطيب الكيك ، نخرجه من الفرن نخليه شوية يبرد عاد نقلبه من المول 

الكيك من تحت

من فوق

نزينه حسب الرغبة 

التقديم :

بألف صحة إن شاء الله 

ماضلين بالفاني 

 المقادير :

4 بيضات 

كاس سكر 

كاس إلا ربع زيت 

2 ديسيرت دانون بنكهة الفاني 

كيس سكر فاني 

كيس خميرة الحلوى فئة 15g

الدقيق الكافي 

الكاس المستعمل = 175ml

طريقة التحضير : 

نخلط البيض مع السكر والسكر الفاني مزيااان

نضيف الزيت ونخلط مزيااان

نضيف دانون ونستمر في الخلط

نضيف الدقيق قليلا قليلا

في الأخير نضيف الخميرة ونخلط مزياان حتى تنسجم مع

 الخليط

نصب الخليط في قوالب السلكون وندخلهم للفرن مسخن على درجة حرارة 180 حتى يطيبو

مللي يطيبو نخرجهم من الفرن نخليهم يبردو شوية

نزولهم من القوالب نزينهم حسب الرغبة ، 

 التقديم :

بألف صحة

كيكة البطاطس الحلوة 

 المقادير:

الكاس المستعمل = 175ml

3 بيضات 

كاس سكر 

كاس إلا ربع زيت 

حبة بطاطا حلوة متوسطة مسلوقة ، مقشرة ومهروسة 

كيس سكر فاني 

15g خميرة الحلوى 

ربع ملعقة صغيرة قرفة 

ملعقة أكل خل ( ماصورتهاش )

دقيق حسب الخليط 


طريقة التحضير :


نخلط البيض مع السكر والفاني والخل مزيااااان حتى يخفاف الخليط ويتغير لونه  

نضيف الزيت ونخلط ، نضيف البطاطا والقرفة ونخلط مزيااان حتى تنسجم مع الخليط

 نضيف الدقيق شوية بشوية مع الخلط المستمر، وأخيراً 

نضيف الخميرة

نصب الخليط في المول مدهون بالزيت ومرشوش بالدقيق ، ندخله للفرن مسخن على

 درجة حرارة 180 ونخلي الكيكة طيب ، أنا خذات لي 25 دقيقة في الطياب ، والمدة 

كتختلف على حسب نوعية الفرن  

مللي طيب نخرجها من الفرن ونخليها واحد 10 دقائق عاد نقلبها ونخليها حتى تبرد 

 تُزين حسب الرغبة ، أنا رشيتها غير بالسكر كلاصي  

صدقاً كتجي أكثر من راااائعة 

أترككم مع الصور 

شهية طيبة